1st coco

السلام عليكم ،

 مؤخرا إنتشرت وبقوة زبدة / زيت جوز الهند  .. واستخداماتها الكثيرة سواء بالأكل أو لأهداف تجميلية .. أصلا تكفي ريحتها إدمان ! ..

 ولحد هذي اللحظة  هالشي الجميل ماينباع بأسواقنا العادية إلا مستوردة عند بعض التاجرات .. أو طلبية من الإنترنت

يعني يا سعرها مبالغ شوي .. يا نتعنى و نشتريها من النت ..

وبصراحة .. لأن استهلاكي لها كبير .. بحثت عن طريقة سهلة ممكن أسوي هالزبدة في البيت وأستخدمها ع الأقل في إني أسوي سكرب للجسم .. أو مرطب للشفايف .. مره أحب ريحة الكوكونت

لقيت طريقة جداً جداً سهلة ولا تاخذ من وقتي دقايق وتفك أزمة

الطريقة :

 جيبي جوز هند مجفف غير مُحلى من أي محل تموينات قريب منك .. مع إني أتوقع لو إني أخذته من محلات العطارة بتكون النتيجة أحلى وأحلى ..

DSC_0395 copy

خذي مقدار كوبين وحطيها بمطحنة البُن .. أو الخلاط .. أهم شي يكون الكاس جاف بدون بلل

Untitled-2

وكل شويات وقفي الخلاط وحركي إذا لاحظتي إن المزيج علق و ما عاد يتحرك ..

بعد دقيقتين ثلاث بتطلع عصارة جوز الهند .. وبيصير المحتوى طري ورطب

DSC_0377 copy

عبيها في برطمان زجاجي .. وإستخدميها سواء للأكل أو أضيفيها لخلطاتك

DSC_0405 copy

كل مازاد وقت الخلط كل ماصارت طرية ولينة أكثر .. قوامها مو مثل طراوة الكوكونت أويل العضوي .. لكن ريحته وملمسه أشوفه ممتاز لبعض الاستخدامات .. مثل خلطات ال DIY

مره سهلة ماتحتاج شي .. ويمديك تبدعين فيها وتحطيها معها زيوت وتسوين خلطات لشعرك .. أو تستخدمينه عشان تسوين مقشر فرانك والشغلات هذي .. حركة مافيها تكلفة وفعّالة كبديل للزيت العضوي  ..

 :* كونوا بخير

Written by Nora

    5 Comments

  1. hajar 12 July, 2015 at 9:43 pm Reply

    ياحبي لك تسلمين
    مره سهل وبسيط

  2. Sahar Alkhaldi 15 July, 2015 at 7:03 pm Reply

    بصراحة ماكنت مصدقة إنها بتضبط معي

    حطيتها زي ماقلتي بالانستجرام بعصارة الخضار والفواكهة وطلعت معي الزبدة

    شكرا لك اخت نورا

  3. لمياء 15 July, 2015 at 7:10 pm Reply

    تحمسسسسس مره تجنن

  4. Nora 15 July, 2015 at 7:15 pm Reply

    أشكركم ع الكلام الجميل

  5. iamtrying 12 October, 2015 at 5:09 pm Reply

    ماضبطت معاي مو عارفة ليه حتى شكل الجوز مايتغير لأنه مبشور :(
    ممكن محتاج خلاطة اقوى ؟

Leave a Comment