frank

السلام عليكم جميعاً

أنا أؤمن إن أي شي ناتشورال وطبيعي لازم يكون بإمكانك تسوينه في البيت .. إذا كان مستحيل يعني المنتج غرقان مواد كيميائية وكحول ..

من خلال تجربتي لمقشر فرانك حسيت إنه بيضبط لو سويته بنفسي .. دورت كذا طريقة في اليوتيوب وماشاء الله قنوات اليوتيوب والمدونات مليان طرق جميلة لعمل السكرب وتقريباً أسهل طريقة لقيت إن مكوناتها موجودة بكل بيت هي

الطريقة اللي بأذكرها لكم اليوم ..

هالمره حاولت أصور التدوينة ڤديو وأخليها جداً مختصرة ماتتعدا دقيقة .. لأني أكره مقاطع اليوتيوب الطويلة وأشوفها مملة حبيت أجرب ولأول مره أصور فديو وأسوي له تعديل ونشر منها أتعلم ومنها أصير خلاص أي تدوينات تحتاج خطوات .. أشوف تصويرها على شكل فديو ممتع أكثر لي وللمتابع .. عندي ملاحظات بسيطة على تصويري بس ماراح أقولكم عشان ماتركزون عليه ههههههه  ..

 

المقشر جدا قوي على البشرة يتطلب منك فرك بسيط على جسم مبلل بالمويه .. ولأن فيه قهوة فصبغتها يمكن توسخ عليك الحمام .. الترطيب بيكون حلو بعد التقشير لأن فيه زيت جوز الهند .. القهوة معروف فوائدها للبشرةعشان فيها كافيين تقشر الجلد الميت وترجع الحيوية للبشرة وتحارب السيلوليت .. أما القرفة معروف إنها تعتبر من التوابل الحارة المفيدة للبشرة لأنها تحارب الإلتهابات وتعالج الإكزيما أما الكاكاو يحافظ على البشرة مترطبة ويعالج الجفاف الناتج من الشمس .

وبس :)

Written by Nora

    9 Comments

  1. مُدونة ورد وعسل 14 July, 2015 at 5:15 am Reply

    حبييت الفيديو
    قد نزلت تدوينة عن مقشر فرانك وكانت طريقتي غير
    المره الجايه بجرب طريقتك لاني مره حبيت المقشر

    يعطيك العافية ياعسل على البوست ..

    • Nora 15 July, 2015 at 7:14 pm Reply

      ياحبيلك والله

      دخلت مدونتك ولا قدرت أطلع منها ماشاء الله

      خصوصاً تدوينات الDIY
      وتدوينات المشتريات

      يخليك ربي

  2. Sahar Alkhaldi 15 July, 2015 at 7:02 pm Reply

    مررررره جمييييل الفديووو

    كثري من هالمقاطع

    شكراً لك

    • Nora 15 July, 2015 at 7:14 pm Reply

      تسلمين

      بإذن الله :)

  3. لمياء 15 July, 2015 at 7:10 pm Reply

    يامال العافية شرح جميل وطريقة ولا أسهل

    keep it up

    • Nora 15 July, 2015 at 7:14 pm Reply

      Thank you :*

  4. B.Brilliant.90 30 July, 2015 at 12:14 am Reply

    جميل وسهل مشكوره
    وبدايه موفقه بالإخراج

  5. asma 2 September, 2015 at 1:12 am Reply

    يمي حسيته كيكه مو مقشر

    يعطيك العافيه بجربه باقرب وقت ان شاءالله

  6. wasfaty 3 September, 2015 at 8:19 pm Reply

    السلام عليكم . تسلمي علي المجهود و على المعلومات المفيدة بس لو سمحتي ممكن خلطة للبشرة الدهنية

Leave a Comment